| agent扼我地,主要有2大重點
i) 佢地講收費既時候,好多時冇講清楚係點收,好似其中一個收費,係收4%一年,但agent通常冇講明係收本金4%定係收成個acc既4 %,好多人都以為係本金幾個%,好似好少咁,原來後尾計出泥,要收人30幾萬,真係好離普
你地知唔知後尾有一個收費,係acc value既 0.6%,入面有0.5%係果個agent收!你地諗下合唔合理?
ii) 有一條條款, 若果個client要用$ ,cut單既話,要收埋未俾既收費
For example: 你買了一個30年既plan,若果你係第10年要用$,唔再供,想成筆$ 拎出泥用既時候,你用了他們10年service,緊係俾10年既charges la,但你地又知唔知,第11年到第30年既$都要收埋呢? 結果好多時係$1 都冇
E個條款十個有九個買了既人都唔知 ,如果你係消費者,你聽完,你又會唔會買?
又因為e條條款唔合理, 你又估AIA既 agent會唔會同佢自己d client講? 就係因為咁,好多人都唔知,好多人都俾人誤導,大家又明唔明我地感受呢?
銀行收認購費係收一次, 買果陣收2-3%, 以後基金單位全數係個客, 如果唔轉長 hold, 10年前有100個單位, 10年後都唔會少過100個單位, 可能會多咗, 因為有 d 基金有息派.
買 "101" 唔收首次認購費, 但係收管理費, 行政費, 保單費, 每年5-6%, 係個個月扣, 10年來既供款買得到既單位, 10年後少一大截, 基金升你既回報同保險公司一齊分享, 蝕係你蝕, 費用一樣要收.
101 plan 呃錢？我有少少認同，不過又有D唔認同。
引用:一個月供10萬, 供25年 既plan
個老千sale屎就可以收到最多80幾萬既佣金
如果個sales係食你80萬到，你真係要還神了，我可以同你講，佢一定唔止食你o甘小，
你可能會話，咪即係仲呃得多？
我地計下數先。
市面上好多101plan個包裝好Q煩，但係係咪真係好呃錢呢？
當一個月10萬，25年plan
25x12x100,000 = 30,000,000
我可以同你講，如果只係食你80萬，佢只係食你2.67%，係無可能的。
通常大部份的，你要大約expect有15個月的錢（即係約8成的ICP的錢）都會俾agent 食晒，係呢個case，即係大約5%到（其實5%都唔算好多了。。。有D仲過份)
收8%charge(我俾高佢啦)係咪好過份？老實講，如果佢可以25年幫你將舊錢加大80%，個8%，有無問題？
基金一大好處係，有班fund manager幫你睇住，如果你覺得自己炒股堅過fund manager，你千祈唔好買基金，我仲recommend你開番隻。
你會話，大X把基金輸錢，無錯，市面上的基金有好有壞，要搵隻好的，真係唔易。
我自己的理論係，唔熟的，唔玩。你求奇搵幾隻基金輸到仆街，係你自己的問題，但亦唔好相信市面上的Financial consultant，因為好多真係無料到。
自己睇下隻基金concept係咩，搵幾隻history OK的（history唔代表將來，但可反映基金經理的料），年年跑輸大市的，你買埋我個份。
市面上有幾隻基金真係唔錯的，行內有隻不敗基金，真係1998到而家未輸過（就連舊年大熊市都有3x%增長）（不過睇個勢今年被破處。。。），你pick到呢隻野，真係11年都增長2.5倍。市面上類似的fund真係有唔少，只係你肯唔肯做功課。
OK，到呃錢陪份，101plan有樣野叫ICP，你要expect自己頭18個月供出去係咩都無（有D 5年plan ICP係12個月）。
無錯，就係o甘呃，ICQ的錢唔會無晒，不過就算有，都剩好少，但你諗諗，18 / (25x12) = 6% ， 6% charge，我地頭先都當係8%
短期的101plan，雖然ICP係12個月，但係個12個月唔會扣晒。
你每個月的charge 就會由ICP度扣，但係因為charge係以%計，基本上，就算係一個100年的plan，你ICP都唔會扣到零（只會係好近好近零）。
而心水清的你都計到，你每個月的charge係會越來越少的，所以，短期的101plan，真係幾呃錢，唔好買。
停供問題，如果你供左5年(60個月)，你要拎錢，唔計佢D咩charge，你最少無18個月，即係30%。
你會覺得過份，但唔該你諗下，你簽一張25年期的plan，你供唔夠1/5就唔供，有無問題？
你簽得101plan，就應該expect自己供到尾，唔好停，
所以一個好的financial planner係唔會recommend你供好多錢一個月的（記住，係responsible的financial planner）。你每個月供的錢，要係你每個月用剩減埋D非必要開支，總之就係你一個月可以好輕易拎出黎的錢。當然，你可能唔expect自己幾年後俾人抄，無野做。但好可惜，你要計埋呢樣野在內。但係有D 101 savings plan係可以俾你停供一陣的。
最後101plan 的作用係迫你儲錢，你自問可以每個月儲一舊錢嗎？3年得，8年得，25年得唔得？
大家話玩股票都賺到，但你股票贏的錢會唔會invest番落去？定係拎去食餐好的、買件名牌？
101plan可以係一件好呃錢的野，但係講呢樣野的同時，唔該問一問自己，自己唔做101plan，一個月儲10萬25年儲唔儲到30,000,000。一個月都唔停o甘儲，儲足25年。
我唔會話101係好的product，但佢的mechanism係可以強迫唔少人儲錢。
我計過，以AVIVA的收費為例，做到咩供夠幾多就送30% o個D優惠，如果一個25年plan，你的基金增長無18%，你都要蝕。
18% 增長好多？我可以同你講，有好多基金，10年已經有2xx%增長。25年都無18%增長，你自己都要反醒下，同埋你真係可以搵番你個financial planner 叫佢呀爺，因為要搵一隻基金25年都無18%增長的，都幾難。
當然，你去盲目o甘pick D 咩新股基全(麥格理個隻)，呢D o甘的反智concept的基金的話，你就真係不如唔好投資啦。
講得有D亂，不過總括來說，你用得101，就唔好話諗住斷供，就算斷，唔好o甘早斷，因為大陪份的基金都係長遠D先跑贏大市的。
如果諗住短的，不如做定期算，因為短期的101真係幾唔抵，隻基金都未賺得多，charge又俾得多。
|
